Dëse Weekend waren d’Lux Rollers am vollen Asaz.
Regionspokal zu Heidelberg
Moies fréi um 05:45 Auer ass et mat engem flotte Reesbus vum Emile Weber op de Regionspokal op Heidelberg gefuer ginn.Leider konnte just 6 Spiller mat op Heidelberg fueren, mee déi 6 Spiller hunn awer hiert bescht probéiert den Regionspokal mat op Lëtzebuerg ze kréien. Dat ass awer net gegléckt well vun 3 Matcher hu mir leider 2 Matcher verluer an esou konnte mir net an der Final un de Start goen. Trotzdeem huet den Trainer Werner Briesch sech ganz ze fridden gewiesen awer och gesot, dass mir eis nach a verschiddene Saachen verbessere mussen.
24 Stonnen dribbelen fir ee gudden Zweck – Special Olympics
De 17. September ass och fir déi zweete Kéier „24 Stonnen dribbelen“ organiséiert ginn.
Ee laangjärigen Kolleg vun de Lux Rollers, de Rocky ass een vun den Haptorganisatoren vum 24 Stonnen dribbelen an dat lescht Joer konnten d’Lux Rollers schonn net deelhuelen an do hunn d’Lux Rollers awer dëst Joer decidéiert, dass mir elo un der 2. Editioun mussen deelhuelen.
De Raymond, Michèle an d’Josée hu mat gemaach an hunn de Samschdeg fir ee gudden Zweck gedribbelt.
