Les Lux Rollers ont participé au Lëtz Celebrate Inclusion « Alles Normal » qui s’est déroulé ce samedi, le 13 juillet au Geesseknäppchen. Leur participation a été marquée par des démonstrations de leurs compétences et par leur engagement à promouvoir l’inclusivité dans le sport. Ils ont interagi avec les participants, partageant des moments de camaraderie et de soutien mutuel.
—
D’Lux Rollers hunn um Event « Lëtz Celebrate Inclusion – Alles Normal » deelgeholl, deen dëse Samschdeg, den 13. Juli, am Geesseknäppchen stattfond huet. Hir Participatioun gouf duerch Demonstratioune vun hire Kompetenzen an hiren Engagement fir d’Inklusioun am Sport ze promoten markéiert. Si hunn mat de Participanten interagéiert a Momenter vun Zesummenhält an géigesäiteger Ënnerstëtzung gedeelt.

Den 30. Juni si mir vum Marco Rock op den Holleschbierg an d‘Sportshal invitéiert ginn.

Do war iwwert de ganze Weekend een internationalen Turnéier organiséiert vun de Special Olympics Luxembourg.

Sonndes konnte mir dann och eis flott Sportart présentéieren.

Hei eng flott Fotogalerie vun eiser Demostratioun:

VILLMOOLS MERCI DASS MIR HUNN DIERFTEN DOBÄI SINN. ☺️💪🏀

Virun e puer Deeg waren d‘Lux Rollers op d‘A.G. vun der Bascol ASBL invitéiert.

Dat erëm net ëm soss, well mir kruten schonn fir déi drëtte Kéier ee generéisen Don vun hinnen.

Ee grousse Merci fir de léiwen Don, ewéi och de flotten an interessanten Owend.

Mir konnten eis och mam Sportsminister Georges Mischo ënnerhalen. ☺️🍀

Gëschter kruten d‘Lux Rollers déi traureg Nouvelle dass de Matgrënner vum Emile Weber, de Fernand Weber verstuerwen ass. 😢

De Voyages Emile Weber ass schonn zanter laange Joeren eise Sponsor an duerch de Fernand Weber ass deemools déi flott a gutt Partnerschaft entstanen.

Mir drécken senger Famill eist déifst Matgefill aus.

Rou a Fridden 🕊️

De Freideg hate mir eis järlech Assemblée générale am Rehazenter Luxembourg.

Ir mir awer mat der A.G. ugefaangen hunn, hu mir nach missten virdrunner eng Assemblée générale extraordinaire ofhalen.

Mir hunn nämlech eis Statuten iwwerschafft vue dass een neit ASBL’s Gesetz a Kraft getrueden ass an eis Statuten eng rei Joeren net geännert goufen.

D’Assemblée huet eis Statuten dann och ugeholl, esou dass mir elo mam neie Gesetz conforme sinn.

De Raymond krut vun der Mannschaft eng Maquette mat eisem Logo iwwerrreecht fir all seng Joeren déi hien als Spiller aktiv war. Hien huet decidéiert de Basketrollstull un den Nol ze hänken an esou ënnert seng Baskets-Carrière ee Schlussstrech ze zéien.

Am Divers kruten nach e puer Leit Merci gesot. Dat waren d’Josée Martin an Anne C.

D’Josée krut Merci gesot fir déi flott Zesummenaarbecht iwwert déi Joeren am Comité. D’Josée huet aus perséinleche Grënn décidéiert keng Kandidatur méi ze stellen.

D’Anne krut och villmools Merci gesot well et Softschell-Jacketten fir d’Mannschaft, de Comité an dem ganze Staff gesponsert huet.

Mir hunn awer och een neien Comitésmember bäi kritt an zwar ass dat de Steve Weber. Hien selwer ass zanter 2 Joer bei eis am Veräin als Spiller aktiv.

De Comité gesäit elo esou aus:

President: Raymond SCHINTGEN
Vize-President: Michèle MEDERNACH
Trésorier: Justine FISCH
Sekretär: Philippe FABER
Memberen: Franca ALLEGRA, Manuel FONSECA an Steve WEBER

Keessereviseuren: Patrick SCHILTGES an Pol MEDERNACH.

Ee grousse Merci dem Jerry Gerard fir déi flott Fotoen.