Leschten Donneschdeg ware mir am Lycée Edward Steichen – Ecole internationale Edward Steichen zu Cliärref. Schonn zanter e puer Joer sinn mir, d‘Lux Rollers schonn am Lycée zu Cliärref aktiv. 🏀

D‘Schüler déi ëmmer tëscht 13 a 15 Joer hunn, kréien dann een Abléck an d‘Welt vum Rollstullbasket. Awer domatt net genuch: Natierlech kréien Si och erkläert firwat mir am Rollstull sëtzen a wat mir soss nach esou maachen an eisem Liewen. All Fro déi eis d‘Schüler stellen, probéiere mir och esou gutt ewéi méiglech ze beäntwerten. ☺️

Esou kréien Si d‘Angscht virun enger Persoun am Rollstull geholl an an deenen bal 3 Stonnen wou mir bei hinnen sinn huelen Si ganz vill positives mat fir hire Liewenswee. 🍀

Hei nach e puer flott Impressiounen vun eisem Spilldag den 20. Oktober. Méi Impressiounen op eiser Facebook-Säit.

Mir hunn géint Rhine River Rhinos 2 an RBC Köln 99ers 2 gespillt. Béid Matcher konnte mir fir eis entscheeden. 💪🏀

Dem Pats Chrisnach an Manuel Fonseca villmools Merci fir déi flott Fotoen. 📸

Ee grousse Merci geet awer och un d’Loterie Nationale Luxembourg, fir de Sponsoring vun eisen neie Speichenschutzen, déi eng Valeur hunn vun iwwer 3.500€. 🍀

VILLMOOLS MERCI.

🏀🏀 Denkt drun: Den 19. Januar hu mir eisen nächsten Spilldag am Rehazenter Luxembourg. Mir spillen do géint Köln an Heidelberg. 🏀🏀

Nächste Samschdeg si mir och um Fest vun der Diversitéit.

Vun 12.00 Auer bis 18.00 Auer kënnt dir de Rollstullbasket an natierlech och ganz vill aner Aktivitéiten an der Parc Laval op Lëtzebuerg/ Eech probéiere kommen. 🍀

Mir sinn voll an der Préparatioun fir d’Saison 2024/2025.

Start vun eiser neier Saison ass den 29. September zu Düsseldorf fir den RBD-Pokal.

Den 20. Oktober geet offiziell d’Saison am Championnat un an dat direkt mat engem Spilldag am Rehazenter Luxembourg. ☺️🏀

Méi Informatiounen iwwert eis Spilldeeg an eis Spiller kommen geschwënn eng Kéier no.

Elo schonn ee grousse Merci fir är Ënnerstëtzung!