Um 11 Auer de Sonndeg hu mir eisen 1. Match géint den ASV Bonn gespillt.
Zwee Véierel laang konnt den ASV Bonn gutt mat eis mathalen an mir hunn op Aanhéischt gespillt.
An der Halbzeit stoung et 31:25 fir eis.
No der Halbzeit hu mir besser an de Match fonnt. Mir hunn flott als Equipp zesummen gespillt an hunn wichteg Kierf getraff. Um Enn konnte mir eis dann 59:46 géint den ASV Bonn duerchsätzen.
Um 15.00 Auer hu mir dann déi éischte Kéieran der Saison géint Green Sharks Essen gespillt.
Do hunn Green Sharks direkt an deenen éischte Minutten gewisen wat se kënnen an hunn den éischte Véierel mat 8:22 gewonnen. Den 2. Véierel war dunn méi ausgeglach an do konnte mir den 2. Véierel 12:10 fir eis entscheeden, esou dass et an der Halbzeit 20:32 fir d’Green Sharks stoung.
No der Paus hu mir erëm gutt an souguer besser an d’Spill fonnt wéi d’Green Sharks a konnten och den 3. Véierel 23:10 gewannen, esou dass et nom 3. Véierel 43:42 fir eis stoung.
Leider haten d’Green Sharks de längeren Otem a konnten de Match mat 52:55 fir sech entscheeden.
Hei ënnen nach e puer Impressiounen vum 2. Match.
EE GROUSSE MERCI UN DE JERRY GERARD (SCHNUTZ) FIR DEI FLOTT FOTOEN.
